KIDUNG DEWA YADNYA
1.
PANGKUR DANGDANG (PAMENDAKAN)
Pamendakan sampun antar
Kedabdabang pas medaging geni
Asep menyan maje gawu
Unem kelawan cendana
Raris metu
Ebek ring natar pawangan
Ambunnyane mriksuma
2.
KAWITAN WARGASARI BAWAK (PAMAHBAH)
Purwakaning angripta rum
Ning wana ukir
Kahadang labuh, kartika panedenging
sari
Angayong tanguli ketur
Angringring angga mure
Sukania harja winangun
Winarna sari
Sampun riris, sumahure ingoling
tangi
Rumrumning puspa priyaka
Munggwing srengganing rejeng
3.
KAWITAN WARGASARI PANJANG (PAMAHBAH)
Kihasta pakeng sapakul
Sangaputri ayu anom
Wah raras awasta Diah Wedarasmin
Rasmania nrangsa kalangan
Hana tanak ira tungga darma
Satanding sama listu ayu
Awasta Diah Narawati
Sang luwir tangguli
Gading haria tinon
4.
SIDAPAKSA (PANGAMPURA)
Bang tabe ya ingsun
teki
Tan kbretieng santulah
Luputa ring ila-ila
Luputa katengong
Ring tulah pamidi
Pukulun jati purnaha
5.
BREMARANGISEP SARI (PANGAYAT)
Mogi tan kacangkra bawa
Titiang ikatunan sami
Nista kaya wak lan manah
Langgeng ngulati Hyang Widhi
Sang suksma Maha Acintya
Nirbana Siwa kasengguh
Ingidan ring tampak aksi
6.
PANGLIPUR (PANGAYAT)
Hyang Widhi nugraha
mami
Srananing kaya wak manah
Dirga yusa mwang rahayu
Ngawredang darma negara
Lawan darma agama jati
Nahan ginaweang terus
Moga wangsa negara kerta raharja
7.
WARGASARI (PAMERASCITA)
Pamerascita mangkin
katur
Peras lis pangilane
Kala miian puniku
Kesurya margiang nihin
Toya kumkumane sami
Sampun sregepeumawisang
Panglukatang ouniku
Mangda sami bersih
8.
WARGASARI (PANGASTAWA)
Ida ratu saking luhur
Kawula nunas lugrane
Mangda sampun titiang tandruh
Mangayat betara mangkin
Titiang ngaturang pejati
Canang suci lan daksina
Sarwa sampun puput
Pratingkahing saji
9.
MEGATRUH (PANGASTAWA)
1. Ibek nyusup bwana alit
bwana agung
Ruruh edoh hana niki
Dahat parek doh sinengguh
Ring segari wana giri
Mamingungan manah belog
2. Pisaratang ngulik sastra siang
dalu
Darma sastra weda sruti
Itihasa lawan kidung
Linggan Sang Hyang Saraswati
Murtining Hyang Widhi kawot
10.
WARGASARI (PANGAKSAMA)
Pangaksamane kaluhur
Manunas wara lugraha
Mnawi kirang sane katur
Nunas sinampura ugi
Canange asebit sari
Mangda ida ica nonton
Nodya saking luhur
Mamuputang sami
11.
MERDU KOMALA (PAMUSPAN)
Om sembah ninganata
tingalana de tri loka sarana
Wahya dyatmika sembahning ulun ijeng
ta tan hawawaneh
Sang luwir agni sakeng tahen kadi
minyak saking dadi kita
Sang sangsat metu yan hana wangamuter
tutur pinahayu
12.
MALAT (NUNSA TIRTA)
Toya ning ditaman sari
mumbul
Mirib tirta kamandalu
Titiang pedek ring betara
Ndaweg titiang matursisin
Titiang jagi nunas tirta
Sweca betara mapine ne ring titiang
Titiang nunas bersih eran
Galang apadang
13.
WARGASARI (TIRTAMANGELENCOK)
Turun tirta saking
luhur
Ne nyiratang pemangkune
Mangelencok muncrat mumbul
Mapan tirta mana jati
Paican betarane
Panyupatan
Sami pade
Malane ning
No comments:
Post a Comment